Rótarýdagurinn - 23. febrúar 2025

Rótarýdagurinn verður haldinn hátiðlegur þann 23. febrúar n.k. og við vijum nýta daginn til að kynna starfsemi Rótarý. Þessi dagur markar 120 ára afmæli Rótarýstarfs í heiminum, því að fyrsti Rótarýfundurinn var haldinn að frumkvæði Paul Harris þennan dag árið 1905.

Umdæmið mun reyna að kynna starf Rótarý í fjölmiðlum í kringum Rótarýdaginn. Það er þó gert ráð fyrir, að klúbbar og félagar í þeim muni að mestu sjá um framkvæmd á kynningum og viðburðum í nærumhverfi sínu í kringum daginn.

Það er rétt að hafa eftirfarandi í huga, þegar dagurinn er skipulagður og kynntur:

Rótarýhreyfingin er ein stærstu mannúðarsamtök í heimi og sinna mikilvægum verkefnum í nærumhverfi og víða um heim
Rótarýsjóðurinn er mikilvægt tæki, sem nýtist til mannúðarstarfa - á alþjóðavettvangi, sem og í nærumhverfi klúbbanna
Rótarý stendur fyrir mikilvægum verkefnum í nærumhverfi sínu - með fjárframlögum og sjálfboðaliðastarfi
Virðing, samkennd og vinátta einkennir starf innan Rótarý
Rótarýstarf er fræðandi og skemmtilegt
Rótarýstarf í heiminum hefur vaxið og blómstrað í 120 ár - afmæli, sem vert er að minnast
Rótarý hefur verið sterkt á Íslandi í um 90 ár
Það er gaman í Rótarý

Við erum stollt af 120 ára starfi Rótarý í heiminum

Það er og á að vera gaman í Rótarý